Théâtre des Capucins - Salle de spectacle

Dame Blanche

Pol Greisch

[lb] 't ass déck schmeier. An hënt gouf d'Auer zréck geréckelt.
Hien, en eeleren Här mam Monde am Grapp, sëtzt am Park ze waarden... Eng Madämmchen am schluetwäisse Kleed, eng rout Oeillet am Tuppi, freet ob nach fräi ass... nieft him op der Bänk... Hunn se Rendez-vous?
Et bruckt un eppes... A wann d'Donnerwieder lass geet, dann hu se vill getoozt, ma si weess just, datt hien Otto heescht, an hien, datt si d'Anna ass. Soss näischt.
Si verléiere sech... Siche sech... Fanne sech och vläicht erëm. Zoufälleg? Fir sech nees ze verléieren... an där gelungener Zäit, wou bannen a baussen op eemol changéiert ass, mol lackeleg, mol rabiat... ower emmer méi verwuerelt...
An da left och nach deen Isi him an d'Féiss. Oder ass den Isi den Otto?
An d'Auer gëtt erëm geréckelt: déi Kéier vir. Fir nieft de Kapp ze kommen! Maache se de Spunnes mat him?
Hien eelst...
Ass d'Anna just säi schéinen Dram? Säi Rettungsrénk? Oder säi Cauchemar?
E Stéck Welt vun haut, an där hien, e Mënsch vu gëscht, net méi richteg eens gëtt; e komesche Kauz, ëmgaachelt an ower eleng gelooss, op der Sich no eppes wat eriwwer ass...
Eng Comédie?

Mëttwoch, 24. März 2010 um 20:00 Auer
Freideg, 26. März 2010 um 20:00 Auer
Samsdeg, 27. März 2010 um 20:00 Auer
Mëttwoch, 14. Abrël 2010 um 20:00 Auer
Donneschdeg, 15. Abrël 2010 um 20:00 Auer
Freideg, 16. Abrël 2010 um 18:30 Auer
Erwuessener 20 € / Jonker 8 €

Inszénéirung Charles Müller

Et spillen Claude Mangen, Marc Olinger, Annette Schlechter

Dekor Anouk Schilz
Kostüme Alevtina Enders

Ko-Produktioun Théâtre des Capucins, Théâtre d'Esch



Avis spectateurs | Zuschauer-Meinungen
Pas encore de contributions | Noch keine Beiträge Écrire un commentaire | Kommentar schreiben