WANJA

Eng musikalesch Wantererzielung
Mat Auszich aus dem éischte Sträichquartett vum G. Ligeti
a Wierker vum S. Sciarrino, G. Kurtag / TRAFFIK THEATER

[LB] E Musekstheaterstéck mat Poppe fir Kanner an Erwuessener, baséiert op der Billerbuchgeschicht Es klopft bei Wanja in der Nacht vum Tilde Michels an Reinhard Michl.

D'Geschicht weist mat beréierender Einfachheet, wéi aus der Nout eng Tugend gebuer gëtt. De Kanner gëtt op eng anschaulech Aart a Weis gewisen, datt ee friddlecht Zesummeliewe méiglech ass, egal wéivill sech ee vun deem aneren ënnerscheet.

D'Buch Es klopft bei Wanja in der Nacht vum Tilde Michels a Reinhard Michl krut 1986 de Gustav-Heinemann-Friddenspräis fir Kanner- a Jugendbicher.

An enger stiermescher Wanternuecht klappt et op eemol beim Wanja un der Dier. D'Dier geet op an do sëtzt een hallef erfruerenen Hues, deen een Ënnerdaach virun der Keelt sicht. De Wanja léisst den Hues gär eran. Kaum ass den Hues ageschlof, klappt et schonn nees un der Dier. Lo freet ee Fuuss fir ragelooss ze ginn. Den Hues fäert em säi Liewen. Iert de Wanja de Fuuss raléisst, muss e schwieren, datt en dem Hues kee Leed wäert doen. Et ass net laang roueg, well et klappt schonn nees un der Dier. E Bier wëll ragelooss ginn. Lo muss de Fuuss em säi Liewe fäerten, well en dem Bier viru Kuerzem ee Stéck Fleesch geklaut hat, an och de Wanja traut dem Bier net richteg. Mä de Bier versprécht, datt et him net drëm geet, dem Fuus eppes ze doen, mä datt e just wëll aus dem Wanterstuerm kommen.

Si schlofen alle véier roueg an zefridden, bis deen aneren Dag moies fréi. Een nom aneren erwächen den Hues, de Fuuss an de Bier. Si trauen dem Fridden net méi a schläiche sech lues raus. Nodeems de Wanja erwächt ass, mengt en als éischt, en hätt dat alles just gedreemt, mä dunn entdeckt en dobaussen am Schnéi d'Spuere vun den dräi Déieren.

Musikalescht Konzept Michel Boulanger Regie Ela Baumann Spill & Erzielung Dan Tanson
Bühn, Kostümer an Objeten Carmen Van Nyvelseel Poppen Lieve Van Vlierberghe Luucht Jean-Lou Caglar
Textiwwersetzung Josette Feinen (LB), Jean-Pierre Wolff-Wegener (FR) no der Geschicht vum Tilde Michels
Violin Marieke Berendsen, Marianne Van Campenhout
Viola Florian Peelman Violoncello Michel Boulanger

Produktioun Philharmonie Luxemburg & Traffik Theater / Chantier Mobile asbl

Dans le cadre des Chrëschtdeeg am Theater, organisé par les Théâtres de la Ville de Luxembourg & Traffo_Carrérotondes

 Scolaires
Donneschden 20. DEZEMBER 2012 um 10h00 (tickets)
& 14h30 (tickets)
Freiden 21 DEZEMBER 2012 um 10h00 (tickets)
& 14h30 (tickets)

Tout public
Sonnden 23 DEZEMBER 2012 um 11h00 (tickets)
& 15h00 (tickets)

Vun 5 bis 10 +
DAUER 50 Minutten
Op Lëtzebuergesch

Erwuessener 10 € / Kanner 5 €

Am Groussen Theater / Studio

[TICKETS]2012-12-20 10:00:00 13509+2012-12-20 14:30:00 13510+2012-12-21 10:00:00 13511+2012-12-21 14:30:00 13512+2012-12-23 11:00:00 13513+2012-12-23 15:00:00 13514